幾段

1. 終於睇咗The Tourist喇, 仲差啲以為Black Swan已上. 套戲近乎係Angelina Jolie嘅個人video promo咁, Johnny Depp近鏡都幾老吓, 同埋佢要減肥. Paul Bettany就依然咁正. 明白點解齣戲咁多人彈, 中段真係有少少拖, 隔離嗰位就係中段瞓咗20分鐘. 我就當然為睇靚仔點都唔會錯過. 唔, 阿導演咁出名, 前作The Lives of Others咁掂, 當然係有少少期望. 呢齣感覺非常唔同. 大路得嚟好著重兩粒星. 咁呢齣, 無論點都要入場睇睇嘅.

2. 已經到處見到好多兔仔喇, 不過亦好多人留意到啲人拎啲兔仔出嚟宣傳, 實有虐畜之嫌.

3. 快啲兔年啦, 預祝大家兔氣揚眉!

4. 呢個什麼2011 new zodiac signs, 雖然阿教授/科學家都話呢種說法已經係N年前已發現, 都唔知點解今次大家做咩咁大反應. Anyway, 我都好唔想係taurus金牛囉. 金牛男就話係好男人啫, 金牛女唔悶爆?! 我都係鍾意做番雙子女, 夠哂麻煩. :) (又不過... 好似有網友睇吓自己個新星座又發現都幾似自己... (其實星座都係當玩吓咁睇, 點寫都可能覺得啱/準) 所以睇睇吓我又幾似金牛噃!)

5. 路經文化中心見到呢個笑得好開心嘅女仔, 希望來年大家都好似佢咁, 日日笑逐顏開! (原來畫此畫嘅小朋友同畫中人都係我母校添, 真巧!)